ﻏﯿﺮﺕ ﺷﺎﺋﺴﺘﮧ ﮐﯽ ﺷﺎﺋﺴﺘﮕﯽ ﻧﻌﻤﺎﻥ ﮐﯿﻠﺌﮯ ﺗﺼﻨﻊ ﺍﻭﺭ ﺑﻨﺎﻭﭦ…

ﻏﯿﺮﺕ

ﺷﺎﺋﺴﺘﮧ ﮐﯽ ﺷﺎﺋﺴﺘﮕﯽ ﻧﻌﻤﺎﻥ ﮐﯿﻠﺌﮯ ﺗﺼﻨﻊ ﺍﻭﺭ ﺑﻨﺎﻭﭦ ﺳﮯ ﺯﯾﺎﺩﮦ ﺣﯿﺜﯿﺖ ﻧﮩﯿﮟ ﺭﮐﮭﺘﯽ ﺗﮭﯽ، ﻧﻌﻤﺎﻥ ﮐﮯ ﮔﮭﺮ ﻣﯿﮟ ﺩﺍﺧﻞ ﮨﻮﺗﮯ ﮨﯽ ﺷﺎﺋﺴﺘﮧ ﮐﯽ ﻃﺮﻑ ﺳﮯ ﺗﭙﺎﮎ ﺳﮯ ﺍﺱ ﮐﺎ ﺍﺳﺘﻘﺒﺎﻝ ﮐﺮﻧﺎ، ﻣﺤﺒﺖ ﺳﮯ ﺍﺱ ﮐﺎ ﮐﻮﭦ ﺍﺗﺎﺭﻧﺎ ﺍﻭﺭ ﺑﮍﮮ ﭼﺎﺅ ﺳﮯ ﮐﮭﺎﻧﺎ ﻣﯿﺰ ﭘﺮ ﺳﺠﺎﻧﺎ ﺍﺳﮯ ﻓﺮﯾﺒﯽ ﻋﻮﺭﺕ ﮐﺎ ﮈﮬﻮﻧﮓ ﻟﮕﺘﺎ ﺗﮭﺎ۔ ﺍﺳﮯ ﯾﻘﯿﻦ ﺗﮭﺎ ﮐﮧ ﻭﮦ ﺍﺣﺴﺎﺱ ﺟﺮﻡ ﮐﮯ ﺗﺤﺖ ﺍﯾﺴﺎ ﮐﺮﺗﯽ ﮨﮯ ﺩﺭﺍﺻﻞ ﻭﮦ ﺍﺱ ﮐﮯ ﺳﺎﺗﮫ ﺑﮯ ﻭﻓﺎﺋﯽ ﮐﯽ ﻣﺮﺗﮑﺐ ﮨﻮ ﺭﮨﯽ ﮨﮯ۔
ﻧﻌﻤﺎﻥ ﮐﮯ ﻓﻮﻥ ﮐﺎ ﭼﮩﮑﺘﯽ ﮨﻮﺋﯽ ﺁﻭﺍﺯ ﻣﯿﮟ ﺟﻮﺍﺏ ﺩﯾﻨﺎ ﺑﮭﯽ ﺍﺳﮯ ﺯﮨﺮ ﻟﮕﺘﺎ ﺗﮭﺎ، ﺧﺎﺹ ﻃﻮﺭ ﭘﺮ ﻭﮦ ﻓﻮﻥ ﻣﺼﺮﻭﻑ ﮨﻮﻧﮯ ﮐﯽ ﻭﺟﮧ ﭘﻮﭼﮭﻨﮯ ﮐﮯ ﺟﻮﺍﺏ ﻣﯿﮟ ﮐﮩﺘﯽ ’’ ﺭﺧﺴﺎﻧﮧ ﺳﮯ ﺑﺎﺕ ﮐﺮ ﺭﮨﯽ ﺗﮭﯽ، ﮨﻔﺘﮯ ﮐﺎ ﺳﺎﺕ ﺳﻮ ﻣﻨﭧ ﻭﺍﻻ ﭘﯿﮑﯿﺞ ﮐﺮﻭﺍﯾﺎ ﮨﻮﺍ ﮨﮯ ﻭﮦ ﺑﮭﯽ ﺗﻮ ﺧﺘﻢ ﮐﺮﻧﺎ ﮨﻮﺗﺎ ﮨﮯ ﺍﺱ ﻟﯿﮯ ﮐﺎﻝ ﻟﻤﺒﯽ ﮨﻮﮔﺌﯽ۔ ‘‘ ﻭﮦ ﻓﻮﻥ ﭘﭩﺦ ﮐﺮ ﺑﮍﺑﮍﺍﺗﺎ ” ﻣﺠﮭﮯ ﺳﺐ ﭘﺘﮧ ﮨﮯ ﮐﻮﻥ ﺳﯽ ﺭﺧﺴﺎﻧﮧ ﮐﮯ ﺳﺎﺗﮫ ﺍﺗﻨﯽ ﻟﻤﺒﯽ ﮔﻔﺘﮕﻮ ﮨﻮ ﺭﮨﯽ ﺗﮭﯽ؛ ﺗﯿﻦ ﺳﺎﻝ ﻗﺒﻞ ﺷﺎﺋﺴﺘﮧ ﮐﯽ ﻣﻨﮕﻨﯽ ﻧﺒﯿﻞ ﮐﮯ ﺳﺎﺗﮫ ﭨﻮﭨﻨﮯ ﮐﮯ ﺑﻌﺪ ﺍﺱ ﮐﯽ ﺷﺎﺩﯼ ﻧﻌﻤﺎﻥ ﺳﮯ ﮨﻮﮔﺌﯽ ﺗﮭﯽ۔
ﺷﺎﺋﺴﺘﮧ ﻧﮯ ﻧﻌﻤﺎﻥ ﮐﻮ ﺑﺘﺎﯾﺎ ﺗﮭﺎ ﮐﮧ ﻧﺒﯿﻞ ﮔﻮﺭﺍ ﭼﭩﺎ ﺍﻭﺭ ﻭﺟﯿﮧ ﻧﻮﺟﻮﺍﻥ ﺗﮭﺎ، ﺑﺮﯼ ﺻﺤﺒﺖ ﻧﮯ ﺍﺳﮯ ﺷﺮﺍﺏ ﺍﻭﺭ ﺟﻮﺋﮯ ﮐﯽ ﻟﺖ ﻟﮕﺎ ﺩﯼ ﺗﮭﯽ ﺍﻭﺭ ﯾﮧ ﻟﺖ ﺍﺱ ﮐﯽ ﭘﮩﻠﯽ ﺗﺮﺟﯿﺢ ﺑﻦ ﮔﺌﯽ ﺗﮭﯽ۔ ﺷﺎﺋﺴﺘﮧ ﮐﺎ ﺳﻤﺠﮭﺎﻧﺎ ﺑﺠﮭﺎﻧﺎ ﺑﯿﮑﺎﺭ ﮨﻮﺍ ﺗﻮ ﺭﺷﺘﮧ ﭨﻮﭦ ﮔﯿﺎ، ﺷﺎﺋﺴﺘﮧ ﮐﯽ ﺧﻮﺑﺼﻮﺭﺗﯽ ﮐﻮ ﺑﯿﺎﻥ ﮐﺮﻧﮯ ﮐﯿﻠﺌﮯ ﺷﺎﯾﺪ ﺷﺎﻋﺮﻭﮞ ﮐﻮ ﺑﮭﯽ ﻣﻌﻤﻮﻝ ﺳﮯ ﺯﯾﺎﺩﮦ ﻣﺸﻘﺖ ﮐﺮﻧﺎ ﭘﮍﺗﯽ ﺟﺒﮑﮧ ﻧﻌﻤﺎﻥ ﻋﺎﻡ ﺷﮑﻞ ﻭ ﺻﻮﺭﺕ ﺍﻭﺭ ﺳﺎﻧﻮﻟﯽ ﺭﻧﮕﺖ ﮐﺎ ﻣﺎﻟﮏ ﺗﮭﺎ، ﯾﮩﯽ ﻭﺟﮧ ﺗﮭﯽ ﮐﮧ ﺍﺳﮯ ﯾﻘﯿﻦ ﻧﮩﯿﮟ ﮨﻮﺗﺎ ﺗﮭﺎ ﮐﮧ ﺷﺎﺋﺴﺘﮧ ﺳﭽﮯ ﺩﻝ ﺳﮯ ﺳﮕﮭﮍ ﺑﯿﻮﯼ ﮨﻮﻧﮯ ﮐﺎ ﺣﻖ ﺍﺩﺍ ﮐﺮ ﺭﮨﯽ ﮨﮯ، ﺷﺎﺋﺴﺘﮧ ﮐﻮ ﺭﻧﮕﮯ ﮨﺎﺗﮭﻮﮞ ﭘﮑﮍﻧﮯ ﮐﯿﻠﺌﮯ ﮐﺒﮭﯽ ﮐﺒﮭﯽ ﮈﯾﻮﭨﯽ ﮐﮯ ﺍﻭﻗﺎﺕ ﻣﯿﮟ ﺍﭼﺎﻧﮏ ﮔﮭﺮ ﮐﮯ ﭼﮑﺮ ﻟﮕﺎ ﻟﯿﺘﺎ، ﻭﻗﺘﺎً ﻓﻮﻗﺘﺎً ﺍﺱ ﮐﺎ ﻓﻮﻥ ﺑﮭﯽ ﮐﮭﻨﮕﺎﻟﺘﺎ ﺭﮨﺘﺎ ﻟﯿﮑﻦ ﺳﻮﺍﺋﮯ ﻓﻮﻥ ﮐﮯ ﺯﯾﺎﺩﮦ ﻭﻗﺖ ﺗﮏ ﻣﺼﺮﻭﻑ ﺭﮨﻨﮯ ﮐﮯ ﺍﺱ ﮐﮯ ﮨﺎﺗﮫ ﮐﭽﮫ ﻧﮧ ﺁﯾﺎ ﭘﮭﺮ ﺑﮭﯽ ﺍﺳﮯ ﺷﮏ ﺗﮭﺎ ﮐﮧ ﺷﺎﺋﺴﺘﮧ ﻧﺒﯿﻞ ﮐﻮ ﭘﻮﺭﯼ ﻃﺮﺡ ﺩﻝ ﺳﮯ ﻧﮩﯿﮟ ﻧﮑﺎﻝ ﺳﮑﯽ ﺍﻭﺭ ﺷﺎﺩﯼ ﮐﮯ ﺑﻌﺪ ﺑﮭﯽ ﺍﺱ ﮐﺎ ﻧﺒﯿﻞ ﮐﮯ ﺳﺎﺗﮫ ﺗﻌﻠﻖ ﻗﺎﺋﻢ ﮨﮯ۔
ﺷﺎﺋﺴﺘﮧ ﻧﮯ ﮐﺒﮭﯽ ﺑﮭﯽ ﻧﻌﻤﺎﻥ ﮐﮯ ﺑﺠﮭﮯ ﺑﺠﮭﮯ ﺍﻭﺭ ﺧﺸﮏ ﺭﻭﯾﮯ ﮐﮯ ﺑﺎﺭﮮ ﻣﯿﮟ ﺳﻨﺠﯿﺪﮔﯽ ﺳﮯ ﻧﮩﯿﮟ ﺳﻮﭼﺎ ﺗﮭﺎ، ﺍﺱ ﮐﺎ ﺧﯿﺎﻝ ﺗﮭﺎ ﺳﮑﯿﻮﺭﭨﯽ ﺍﺩﺍﺭﮮ ﻣﯿﮟ ﺳﺨﺖ ﮈﯾﻮﭨﯽ ﺍﻧﺠﺎﻡ ﺩﯾﻨﮯ ﮐﯽ ﻭﺟﮧ ﺳﮯ ﯾﮧ ﺭﻭﯾﮧ ﺍﺱ ﮐﯽ ﻓﻄﺮﺕ ﺑﻦ ﮔﯿﺎ ﮨﮯ، ﺍﯾﮏ ﺩﻥ ﺍﺗﻔﺎﻕ ﺳﮯ ﺑﺎﺱ ﮐﺎ ﻣﺰﺍﺝ ﺧﻮﺷﮕﻮﺍﺭ ﺗﮭﺎ، ﻣﻮﻗﻊ ﮐﻮ ﻏﻨﯿﻤﺖ ﺟﺎﻥ ﮐﺮ ﻧﻌﻤﺎﻥ ﻧﮯ ﮐﭽﮫ ﺩﯾﺮ ﮐﯽ ﭼﮭﭩﯽ ﻟﮯ ﻟﯽ ﺍﻭﺭ ﺳﻮﭼﻮﮞ ﻣﯿﮟ ﻏﺮﻕ ﮔﮭﺮ ﮐﯽ ﻃﺮﻑ ﺭﻭﺍﻧﮧ ﮨﻮ ﮔﯿﺎ، ﺍﺑﮭﯽ ﻭﮦ ﮔﮭﺮ ﺳﮯ ﭼﻨﺪ ﮨﯽ ﮔﺰ ﮐﮯ ﻓﺎﺻﻠﮯ ﭘﺮ ﺗﮭﺎ ﮐﮧ ﺍﺳﮯ ﺍﭘﻨﮯ ﺩﺭﻭﺍﺫﮮ ﺳﮯ ﻣﻮﭨﺮ ﺑﺎﺋﯿﮏ ﻧﮑﻠﺘﯽ ﺩﮐﮭﺎﺋﯽ ﺩﯼ، ﺍﯾﮏ ﮔﻮﺭﺍ ﭼﭩﺎ ﻭﺟﯿﮧ ﻧﻮﺟﻮﺍﻥ ﺍﻧﺘﮩﺎﺋﯽ ﺧﻮﺷﮕﻮﺍﺭ ﻣﻮﮈ ﻣﯿﮟ ﭘﯿﭽﮭﮯ ﺩﯾﮑﮫ ﮐﺮ ﮨﺎﺗﮫ ﮨﻼﺗﮯ ﮨﻮﺋﮯ ﺳﮍﮎ ﺗﮏ ﺁ ﮔﯿﺎ، ﭘﯿﭽﮭﮯ ﯾﻘﯿﻨﺎً ﺷﺎﺋﺴﺘﮧ ﺗﮭﯽ، ﻧﻌﻤﺎﻥ ﻧﮯ ﺍﭘﻨﯽ ﺑﺎﺋﯿﮏ ﺍﯾﮏ ﺩﺭﺧﺖ ﮐﯽ ﺍﻭﭦ ﻣﯿﮟ ﮐﺮ ﻟﯽ، ﺍﺱ ﮐﮯ ﺩﻣﺎﻍ ﻣﯿﮟ ﺁﻧﺪﮬﯿﺎﮞ ﭼﻞ ﺭﮨﯽ ﺗﮭﯿﮟ، ’’ ﺗﻮ ﯾﮧ ﮐﮭﯿﻞ ﮐﮭﯿﻼ ﺟﺎ ﺭﮨﺎ ﮨﮯ ﻣﯿﺮﮮ ﮔﮭﺮ ﻣﯿﮟ ‘‘ ؛ ﻭﮦ ﺍﺗﻨﯽ ﺯﻭﺭ ﺳﮯ ﺑﮍﺑﮍﺍﯾﺎ ﮐﮧ ﭼﻨﺪ ﮔﺰ ﺩﻭﺭﺑﮭﯽ ﮐﻮﺋﯽ ﮨﻮﺗﺎ ﺗﻮ ﻭﮦ ﺳﻦ ﻟﯿﺘﺎ، ﺧﻮﺩ ﮐﻮ ﺳﻨﺒﮭﺎﻟﻨﮯ ﻣﯿﮟ ﺍﺳﮯ ﮐﭽﮫ ﮨﯽ ﺩﯾﺮ ﻟﮕﯽ ﮨﻮﮔﯽ ﭘﮭﺮ ﺳﻮﭼﺘﮯ ﮨﻮﺋﮯ ﺍﺱ ﻧﮯ ﺑﺎﺋﯿﮏ ﮐﺎ ﺳﻠﻒ ﺩﺑﺎ ﺩﯾﺎ۔
ﺷﺎﻡ ﮐﻮ ﻧﻌﻤﺎﻥ ﻣﻌﻤﻮﻝ ﺳﮯ ﺯﯾﺎﺩﮦ ﻣﻀﻤﺤﻞ ﮔﮭﺮ ﻣﯿﮟ ﺩﺍﺧﻞ ﮨﻮﺍ ﺗﻮ ﺷﺎﺋﺴﺘﮧ ﻧﮯ ﻣﻌﻤﻮﻝ ﺳﮯ ﺯﯾﺎﺩﮦ ﮔﺮﻡ ﺟﻮﺷﯽ ﺳﮯ ﺍﺱ ﮐﻮ ﺧﻮﺵ ﺁﻣﺪﯾﺪ ﮐﮩﺎ، ﮐﻮﭦ ﺍﺗﺎﺭﺗﮯ ﮨﻮﺋﮯ ﺍﺱ ﻧﮯ ﻧﻌﻤﺎﻥ ﮐﺎ ﭼﮩﺮﮦ ﺩﯾﮑﮭﺘﮯ ﮨﻮﺋﮯ ﭘﻮﭼﮭﺎ ’’ ﺁﺝ ﮐﭽﮫ ﺯﯾﺎﺩﮦ ﮨﯽ ﺗﮭﮑﮯ ﮨﻮﺋﮯ ﻟﮓ ﺭﮨﮯ ﮨﻮ ‘‘ ؛ ’’ ﺍﻭﺭ ﺗﻢ ﮐﭽﮫ ﺯﯾﺎﺩﮦ ﮨﯽ ﻓﺮﯾﺶ ﻟﮓ ﺭﮨﯽ ﮨﻮ ‘‘ ؛ ﻧﻌﻤﺎﻥ ﮐﮯ ﻟﮩﺠﮯ ﻣﯿﮟ ﻃﻨﺰ ﺗﮭﺎ ﺟﺴﮯ ﺷﺎﺋﺴﺘﮧ ﻧﮯ ﻣﺤﺴﻮﺱ ﻧﮩﯿﮟ ﮐﯿﺎ ﺍﻭﺭ ﺑﻮﻟﯽ ’’ ﮨﺎﮞ، ﮨﺎﺗﮫ ﻣﻨﮧ ﺩﮬﻮ ﮐﺮ ﮐﮭﺎﻧﺎ ﮐﮭﺎ ﻟﻮ ﻣﯿﮟ ﺗﻤﮩﯿﮟ ﺳﺮﭘﺮﺍﺋﺰ ﺩﯾﻨﮯ ﻭﺍﻟﯽ ﮨﻮﮞ "‘ ؛ ’’ ﺁﺝ ﮐﭽﮫ ﮐﮭﺎﻧﮯ ﮐﻮ ﺩﻝ ﻧﮩﯿﮟ ﭼﺎﮦ ﺭﮨﺎ ‘‘ ؛ ﻧﻌﻤﺎﻥ ﻧﮯ ﮈﺍﺋﻨﻨﮓ ﭨﯿﺒﻞ ﭘﺮ ﮈﮬﯿﺮ ﮨﻮﺗﮯ ﮨﻮﺋﮯ ﮐﮩﺎ ‘‘ ﻟﻮ ﻣﯿﮟ ﻧﮯ ﺍﺗﻨﯽ ﭼﺎﮨﺖ ﺳﮯ ﺗﻤﮩﺎﺭﮮ ﭘﺴﻨﺪﯾﺪﮦ ﻗﯿﻤﮯ ﺑﮭﺮﮮ ﮐﺮﯾﻠﮯ ﺑﻨﺎﺋﮯ ﮨﯿﮟ، ﻣﯿﮟ ﻻﺭﮨﯽ ﮨﻮﮞ، ‛ ﮐﮭﺎﺅ ﮔﮯ ﺗﻮ ﻣﺰﮦ ﺁ ﺟﺎﺋﮯ ﮔﺎ ‘‘ ﺍﺗﻨﺎ ﮐﮩﮧ ﮐﺮ ﺷﺎﺋﺴﺘﮧ ﮐﭽﻦ ﮐﯽ ﻃﺮﻑ ﺑﮭﺎﮔﯽ، ﮐﮭﺎﻧﺎ ﻣﯿﺰ ﭘﺮ ﻟﮕﺎﺗﮯ ﮨﻮﺋﮯ ﺷﺎﺋﺴﺘﮧ ﻧﮯ ﺩﺍﺩ ﻃﻠﺐ ﻧﻈﺮﻭﮞ ﺳﮯ ﻧﻌﻤﺎﻥ ﮐﻮ ﺩﯾﮑﮭﺎ ﻟﯿﮑﻦ ﻭﮦ ﺑﯿﮕﺎﻧﮧ ﺳﺎ ﺑﻨﺎ ﺑﯿﭩﮭﺎ ﺗﮭﺎ، ﺷﺎﺋﺴﺘﮧ ﻧﮯ ﺍﭘﻨﮯ ﮨﺎﺗﮭﻮﮞ ﺳﮯ ﻧﻮﺍﻟﮧ ﺑﻨﺎ ﮐﺮ ﺍﺱ ﮐﯽ ﻃﺮﻑ ﺑﮍﮬﺎﯾﺎ ﺟﺴﮯ ﺍﺱ ﻧﮯ ﺑﺎﺩﻝ ﻧﺨﻮﺍﺳﺘﮧ ﻣﻨﮧ ﻣﯿﮟ ﮈﺍﻝ ﻟﯿﺎ، ’’ ﺍﻭﺭ ﯾﮧ ﮨﮯ ﺳﺮﭘﺮﺍﺋﺰ ‘‘ ؛ ﺷﺎﺋﺴﺘﮧ ﻧﮯ ﺍﭨﮭﻼﺗﮯ ﮨﻮﺋﮯ ﺍﯾﮏ ﭼﯿﮏ ﺍﺱ ﮐﮯ ﺁﮔﮯ ﺭﮐﮫ ﺩﯾﺎ؛ ’’ ﯾﮧ —- ﯾﮧ ﮐﯿﺎ ﮨﮯ؟ ‘‘ ﻧﻌﻤﺎﻥ ﻧﮯ ﺗﻌﺠﺐ ﺳﮯ ﭘﻮﭼﮭﺎ ’’ ﻗﺮﺽ ﺍﺗﺎﺭﻭ ﻣﻮﮈ ﺳﻨﻮﺍﺭﻭ ‘‘ ﺷﺎﺋﺴﺘﮧ ﺷﺮﺍﺭﺕ ﺑﮭﺮﮮ ﻟﮩﺠﮯ ﻣﯿﮟ ﺑﻮﻟﯽ ’’ ﺭﺍﺣﯿﻞ ﺑﮭﺎﺋﯽ ﭼﺎﺭ ﺳﺎﻝ ﺑﻌﺪ ﺍﻧﮕﻠﯿﻨﮉ ﺳﮯ ﻭﺍﭘﺲ ﺁﺋﮯ ﮨﯿﮟ، ﻣﯿﮟ ﻧﮯ ﺍﻥ ﺳﮯ ﺗﻤﮩﺎﺭﮮ ﻗﺮﺽ ﮐﺎ ﺫﮐﺮ ﮐﯿﺎ ﺗﻮ ﺍﻧﮩﻮﮞ ﻧﮯ ﯾﮧ ﮐﮩﮧ ﮐﺮ ﭼﯿﮏ ﻟﮑﮫ ﺩﯾﺎ ﮐﮧ ﺷﺎﺩﯼ ﮐﺎ ﺗﺤﻔﮧ ﺳﻤﺠﮫ ﮐﺮ ﺭﮐﮫ ﻟﻮﮞ ‘‘ ۔
ﻧﻌﻤﺎﻥ ﮐﯽ ﺁﻧﮑﮭﻮﮞ ﻣﯿﮟ ﭘﺮﯾﺸﺎﻧﯽ ﺍﺗﺮ ﺁﺋﯽ، ﺍﺱ ﻧﮯ ﺩﻭﻧﻮﮞ ﮨﺎﺗﮭﻮﮞ ﺳﮯ ﺍﭘﻨﺎ ﺳﺮ ﺗﮭﺎﻡ ﻟﯿﺎ، ﺷﺎﺋﺴﺘﮧ ﮐﯿﻠﺌﮯ ﺍﺱ ﮐﯽ ﯾﮧ ﺣﺎﻟﺖ ﻧﺎﻗﺎﺑﻞ ﻓﮩﻢ ﺗﮭﯽ، ﺍﺱ ﻧﮯ ﮨﻤﺪﺭﺩﯼ ﺳﮯ ﺍﺱ ﮐﮯ ﮐﻨﺪﮬﮯ ﭘﺮ ﮨﺎﺗﮫ ﺭﮐﮭﺘﮯ ﮨﻮﺋﮯ ﮐﮩﺎ ’’ ﺍﺳﮯ ﻗﺒﻮﻝ ﮐﺮﻭ ﻧﻌﻤﺎﻥ، ﺍﻧﺎ ﮐﺎ ﻣﺴﺌﻠﮧ ﻣﺖ ﺑﻨﺎﺅ، ﮨﻢ ﺁﭘﺲ ﻣﯿﮟ ﺍﯾﮏ ﺩﻭﺳﺮﮮ ﮐﮯ ﮐﺎﻡ ﻧﮩﯿﮟ ﺁﺋﯿﮟ ﮔﮯ ﺗﻮ ﺍﻭﺭ ﮐﻮﻥ ﮨﻤﺎﺭﮮ ﺩﺭﺩ ﺑﺎﻧﭩﮯ ﮔﺎ؟ ‘‘ ﻧﻌﻤﺎﻥ ﮐﯽ ﺁﻧﮑﮭﯿﮟ ﺁﻧﺴﻮﺅﮞ ﺳﮯ ﺗﺮ ﮨﻮ ﮔﺌﯿﮟ، ﺍﺱ ﮐﮯ ﮨﻮﻧﭧ ﮐﺎﻧﭗ ﺭﮨﮯ ﺗﮭﮯ، ﻭﮦ ﺑﮩﺖ ﮐﭽﮫ ﮐﮩﻨﺎ ﭼﺎﮦ ﺭﮨﺎ ﺗﮭﺎ ﻟﯿﮑﻦ ﺍﺱ ﮐﮯ ﻣﻨﮧ ﺳﮯ ﻧﮑﻠﻨﮯ ﻭﺍﻟﮯ ﺑﮯ ﺭﺑﻂ ﺍﻟﻔﺎﻅ ﺷﺎﺋﺴﺘﮧ ﮐﯽ ﺳﻤﺎﻋﺖ ﮐﻮ ﻏﯿﺮ ﻣﺎﻧﻮﺱ ﻟﮓ ﺭﮨﮯ ﺗﮭﮯ، ﺍﺳﯽ ﺍﺛﻨﺎ ﻣﯿﮟ ﮈﻭﺭ ﺑﯿﻞ ﺑﺠﯽ، ﺷﺎﺋﺴﺘﮧ ﺩﺭﻭﺍﺯﮦ ﮐﮭﻮﻟﻨﮯ ﮐﯿﻠﺌﮯ ﺍﭨﮭﯽ، ﺍﺳﮯ ﺩﺭﻭﺍﺯﮮ ﮐﯽ ﻃﺮﻑ ﺑﮍﮬﺘﺎ ﺩﯾﮑﮫ ﮐﺮ ﻧﻌﻤﺎﻥ ﭼﯿﺦ ﭘﮍﺍ ’’ ﺩﺭﻭﺍﺯﮦ ﻣﺖ ﮐﮭﻮﻟﻨﺎ "‘ ؛ ﻟﯿﮑﻦ ﺍﺱ ﺩﻭﺭﺍﻥ ﺩﺭﻭﺍﺯﮦ ﮐﮭﻞ ﭼﮑﺎ ﺗﮭﺎ ﺍﻭﺭ ﭘﻮﻟﯿﺲ ﺍﻧﺪﺭ ﮔﮭﺲ ﺁﺋﯽ، ﺩﻭ ﭘﻮﻟﯿﺲ ﻭﺍﻟﻮﮞ ﻧﮯ ﺁﺗﮯ ﮨﯽ ﺑﮯ ﺳﺪﮪ ﺑﯿﭩﮭﮯ ﻧﻌﻤﺎﻥ ﮐﻮ ﺩﺑﻮﭺ ﻟﯿﺎ، ’’ ﺳﻮﺭﯼ ﻣﺴﭩﺮ ﻧﻌﻤﺎﻥ ﮨﻢ ﺁﭖ ﮐﻮ ﺭﺍﺣﯿﻞ ﻧﺎﻣﯽ ﺷﺨﺺ ﮐﮯ ﻗﺘﻞ ﮐﮯ ﺍﻟﺰﺍﻡ ﻣﯿﮞﮟ ﮔﺮﻓﺘﺎﺭ ﮐﺮ ﺭﮨﮯ ﮨﯿﮟ ﺟﺲ ﮐﯽ ﻻﺵ ﮨﻤﯿﮟ ﻧﯿﻠﻢ ﮐﺎﻟﻮﻧﯽ ﮐﮯ ﺳﺎﻣﻨﮯ ﻭﯾﺮﺍﻧﮯ ﺳﮯ ﻣﻠﯽ ﮨﮯ ‘‘ ؛ ’’ ﻣﻢ — ﻣﯿﮟ ﮐﯿﻮﮞ ﮐﺴﯽ ﮐﻮ ﻗﺘﻞ ﮐﺮﻭﮞ ﮔﺎ ‘‘ ؛ ﺷﺎﺋﺴﺘﮧ ﻧﮯ ﺑﮭﺎﻧﭗ ﻟﯿﺎ ﺗﮭﺎ ﮐﮧ ﻧﻌﻤﺎﻥ ﮐﺎ ﻟﮩﺠﮧ ﺍﺱ ﮐﮯ ﺟﮭﻮﭦ ﮐﯽ ﭼﻐﻠﯽ ﮐﮭﺎ ﺭﮨﺎ ﮨﮯ، ﻭﮦ ﻟﭙﮏ ﮐﺮ ﻧﻌﻤﺎﻥ ﮐﺎ ﮔﺮﯾﺒﺎﻥ ﭘﮑﮍﺗﮯ ﮨﻮﺋﮯ ﭼﻼﺋﯽ ’’ ﯾﮧ ﺗﻢ ﻧﮯ ﮐﯿﻮﮞ ﮐﯿﺎ ﻧﻌﻤﺎﻥ؟ ‘‘ ؛ ’’ ﻣﻢ — ﻣﯿﮟ ﻧﮯ ﮐﭽﮫ ﻧﮩﯿﮟ ﮐﯿﺎ ﺷﺎﺋﺴﺘﮧ؛ ﯾﮧ ﻟﻮﮒ ﺟﮭﻮﭦ ﺑﻮﻝ ﺭﮨﮯ ﮨﯿﮟ ‘‘ ﻧﻌﻤﺎﻥ ﻣﻨﻤﻨﺎﯾﺎ۔
’’ ﮨﻢ ﺟﮭﻮﭦ ﺑﻮﻝ ﺭﮨﮯ ﮨﯿﮟ ﻟﯿﮑﻦ ﺗﻤﮩﺎﺭﺍ ﯾﮧ ﺳﺮﻭﺱ ﺑﯿﺞ ﺗﻮ ﺳﭻ ﺑﻮﻝ ﺭﮨﺎ ﮨﮯ ﻧﺎ ﺟﻮ ﻣﺰﺍﺣﻤﺖ ﮐﮯ ﺩﻭﺭﺍﻥ ﻣﻘﺘﻮﻝ ﮐﮯ ﮨﺎﺗﮫ ﻣﯿﮟ ﺭﮦ ﮔﯿﺎ ﺗﮭﺎ؛ ﺑﻐﯿﺮ ﮐﺴﯽ ﺣﯿﻞ ﻭ ﺣﺠﺖ ﮐﮯ ﮨﻤﺎﺭﮮ ﺳﺎﺗﮫ ﭼﻠﻮ ‘‘ ؛ ﺍﻧﺴﭙﮑﭩﺮ ﻧﮯ ﺩﮬﻤﮑﺎﯾﺎ ﺗﻮ ﻧﻌﻤﺎﻥ ﻧﮯ ﺑﻮﺟﮭﻞ ﻗﺪﻣﻮﮞ ﮐﮯ ﺳﺎﺗﮫ ﭼﻠﻨﺎ ﺷﺮﻭﻉ ﮐﺮ ﺩﯾﺎ؛ ﺷﺎﺋﺴﺘﮧ ﺩﺭﻭﺍﺯﮮ ﺗﮏ ﺑﻤﺸﮑﻞ ﭘﮩﻨﭻ ﺳﮑﯽ؛ ﺍﺏ ﺍﺱ ﭘﺮ ﻧﻌﻤﺎﻥ ﮐﮯ ﮐﮭﺮﺩﺭﮮ ﺭﻭﺋﯿﮯ ﮐﯽ ﻭﺟﮧ ﮐﮭﻠﻨﺎ ﺷﺮﻭﻉ ﮨﻮ ﮔﺌﯽ ﺗﮭﯽ


Leave your vote

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

شئیر کریں

شاید آپ یہ بھی پسند کریں مصنف سے زیادہ

تبصرے بند ہیں.

Hey there!

Forgot password?

Don't have an account? Register

Forgot your password?

Enter your account data and we will send you a link to reset your password.

Your password reset link appears to be invalid or expired.

Close
of

Processing files…