جگت موہن لال روں کی وفات September 26, 1934 جگت م…

جگت موہن لال روں کی وفات
September 26, 1934

جگت موہن لال روں کی شاعری نے اردو کی شعری روایت میں فکری ، سماجی اور تہذیبی موضوعات ومضامین کو عام کرنے میں اہم کردار ادا کیا ۔ ان کی نظمیں اور رباعیاں ایک بہت ثروت مند فکری بیانیے کو لئے ہوئے ہیں ۔ اپنی رباعیات اور گوتم بدھ پر طویل نظم کے لیے مشہور ہیں

رواں کی پیدائش ۱۴ جنوری ۱۸۸۹ کو مورانوں ضلع سیتاپور میں ہوئی ان کے والد گنگا پرشاد کا انتقال ان کے بچپن میں ہی ہوگیا تھا ۔ والد کی وفات کے بعد ان کی پرورش بڑے بھائی منشی کنہیا لال نے کی ۔ رواں بہت ذہین طالب علم تھے ۔ ایل ایل بی کی سند حاصل کی اور وکالت کے پیشے سے وابستہ ہوگئے ۔ رواں کی طبیعت بچپن ہی سے شاعری کی طرف مائل تھی ، عزیز لکھنوی سے کلام پر اصلاح لی ۔ روں کی نظموں ، غزلوں اور رباعیوں کا مجموعہ’ روح رواں ‘کے نام سے شائع ہوا ۔

۲۶ ستمبر ۱۹۳۴ کو رواں کاانتقال ہوا ۔
……
منتخب اشعار
…..
آئیں پسند کیا اسے دنیا کی راحتیں
جو لذت آشنائے ستم ہائے ناز تھا
…….
ابھی تک فصل گل میں اک صدائے درد آتی ہے
وہاں کی خاک سے پہلے جہاں تھا آشیاں میرا
…..
اگر کچھ روز زندہ رہ کے مر جانا مقدر ہے
تو اس دنیا میں آخر باعث تخلیق جاں کیا تھا
…….
ہنسے بھی روئے بھی لیکن نہ سمجھے
خوشی کیا چیز ہے دنیا میں غم کیا
……
کچھ اضطراب عشق کا عالم نہ پوچھئے
بجلی تڑپ رہی تھی کہ جان اس بدن میں تھی
…….
پیش تو ہوگا عدالت میں مقدمہ بیشک
جرم قاتل ہی کے سر ہو یہ ضروری تو نہیں
…….
سامنے تعریف غیبت میں گلہ
آپ کے دل کی صفائی دیکھ لی
…….
توڑا ہے دم ابھی ابھی بیمار ہجر نے
آئے مگر حضور کو تاخیر ہو گئی
……..
اس کو خزاں کے آنے کا کیا رنج کیا قلق
روتے کٹا ہو جس کو زمانہ بہار کا
…….
وہ بادہ نوش حقیقت ہے اس جہاں میں رواںؔ
کہ جھوم جائے فلک گر اسے خمار آئے
…….
وہ خوش ہو کے مجھ سے خفا ہو گیا
مجھے کیا امیدیں تھیں کیا ہو گیا
……
یہی ہستی اسی ہستی کے کچھ ٹوٹے ہوئے رشتے
وگرنہ ایسا پردہ میرے ان کے درمیاں کیا تھا


Leave your vote

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

شئیر کریں

شاید آپ یہ بھی پسند کریں مصنف سے زیادہ

  1. Mian Mustafa کہتے ہیں

    عمدہ معلومات ، عمدہ انتخاب

  2. Mazhar Abbas کہتے ہیں

    Bht khoob…wah…wah…

  3. Shafqat Abbas کہتے ہیں

    La jawab tehreer

تبصرے بند ہیں.

Hey there!

Forgot password?

Don't have an account? Register

Forgot your password?

Enter your account data and we will send you a link to reset your password.

Your password reset link appears to be invalid or expired.

Close
of

Processing files…