استاد دامن دی شاعری دا سیاسی رنگ قوم دے غدارو! تے…

استاد دامن دی شاعری دا سیاسی رنگ

قوم دے غدارو! تے پکارو تے ککارو ہن​
گئے ہوئے فرنگیاں نوں، مڑ کے ہن بلائی جاؤ

قوماں دیاں قوماں تسی، ٹوٹے ٹوٹے کیتیاں​

بندہ بندہ، ٹوٹے ٹوٹے، ہندا تے کرائی جاؤ​

کھائی جاؤ، کھائی جاؤ، بھیت کنھے کھولنے؟
وچو وچ کھائی جاؤ، اتوں رولا پائی جاؤ

بھکھاں کولوں آ کے تنگ، لوکاں بانگاں دتیاں
قورمہ پلاؤ رج گھراں چے اڈائی جاؤ

چارے پاسے قوراں نیں، مٹی اڈی جاپدی
پکھی واس پیدا کرو، کوٹھیاں بنائی جاؤ

چاچا دیوے بھتیجے نوں، بھتیجا دیوے چاچے نوں
آپو وچ ونڈی جاؤ تے آپو وچ کھائی جاؤ

انھاں مارے انھی نوں، گھسن وجے تھمی نوں
جنی تہا توں انھی پیندی، اونی انھی پائی جاؤ

مری دیاں چوٹیاں تے چھٹیاں گزار کے
غریباں نوں کشمیر والی، سڑکوں سڑکی پائی جاؤ

ڈھڈ بھرو اپنے، تے ایہناں دی کیہہ لوڑ اے؟
بھکھیاں نوں لمیاں کہانیاں سنائی جاؤ

"بند جے شراب کیتی” وارے جائیے بندشاں دے
گھرو گھری پیٹیاں تے پیٹیاں پچائی جاؤ

تولہ ماسہ رول کے غریباں دی کمائی وچو
امریکہ کولوں کاراں اتے کاراں منگوائی جاؤ

کھائی جاؤ، کھائی جاؤ، بھیت کنھے کھولنے
وچو وچی کھائی جاؤ، اتوں رولا پائی جاؤ
………
ساڈے ملک دیاں موجاں ای موجاں
جدھر ویکھو فوجاں ای فوجاں
…….
سن جا جاندیا جاندیا راہیا
گیا ایوب تے پھنس گیا یحییٰ
کم کار بندے تو گاؤ ماہیا
جی او میرے ڈھول سپاہیا

(جنرل ایوب، یحییٰ خان)
……
میرے ملک دے دو خدا
لا الہٰ تے مارشل لاء
اک رہندا اے عرشاں اُتے
اک رہندا اے فرشاں اُتے

اوہدا ناں اے اللہ میاں
ایہدا ناں اے جنرل ضیاء
واہ بھئی واہ جنرل ضیاء
کون کہندا تینوں ایتھوں جا
……..
چاندی سونے تے ہیرے دی کان تے ٹیکس​
عقل مند تے ٹیکس نادان تے ٹیکس

مکان تے ٹیکس دوکان تے ٹیکس
ڈیوڑھی تے ٹیکس لان تے ٹیکس

پانی پین تے ٹیکس روٹی کھان تے ٹیکس
آئے گئے مسافر مہمان تے ٹیکس

انجیل تے ٹیکس قران تے ٹیکس
لگ جائے نہ دین ایمان تے ٹیکس

ایسے واسطے بولدا نہیں دامن!
متاں لگ جائے میری زبان تے ٹیکس
……..
ایہہ کیہ کری جانا​
ایہہ کیہ کری جانا

کدی چین جانا کدی روس جانا
بن کے توں امریکی جاسوس جانا
کدی شملے جانا، کدی مری جانا

ایہہ کیہ کری جانا
ایہہ کیہ کری جانا

جدھر جانا ایں، بن کے جلوس جانا
دھسا دھس جانا دھسا دھوس جانا
اڑائی قوم دا توں فلوس جانا
لائی کھیس جانا، کھچی دری جانا

ایہہ کیہ کری جانا
ایہہ کیہ کری جانا

نوٹ = اس نظم پر استاد دامن کو بم کیس میں گرفتار کیا گیا تھا
…….
دما دم مست قلندر​
دما دم مست قلندر

ایہہ دور عوامی آیا اے (1)
کیہ سکھیا کیہ سکھیایا اے
کیہ سمجھیا کیہ سمجھایا اے
گل گل اُتے چھریاں خنجر
کیہڑا باہر تے کیہڑا اندر

دما دم مست قلندر

اک ملاں کوثر نیازی (2)
انج تے حاجی پاک نمازی
نہ سر خانہ فیم پیازی
نہ مولی نہ لال چقندر

دما دم مست قلندر

سچ دی گل کرن توں اوکھے
جیون توں اوکھے مرن توں اوکھے
ایہہ بھٹو انصاف دا مندر
رانی(3) باہر تے رانا(4) اندر

دما دم مست قلندر

(1) بھٹو دا نعرہ، (2) کوثر نیازی، (3) جنرل رانی، (4) مختار رانا


Leave your vote

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

3 تبصرے
  1. گمنام کہتے ہیں

    pop and n leag.

  2. گمنام کہتے ہیں

    Kmaaal h yar 😂 gala kharya ny par hasn to alawa koi chara ni

  3. گمنام کہتے ہیں

    وچو وچی کھای جاو’اتوں رولا پای جاو۔۔۔

جواب چھوڑیں

آپ کا ای میل ایڈریس شائع نہیں کیا جائے گا.

Hey there!

Forgot password?

Don't have an account? Register

Forgot your password?

Enter your account data and we will send you a link to reset your password.

Your password reset link appears to be invalid or expired.

Close
of

Processing files…