"میرے حرف گلابوں سے” کے شاعر شاہ زیب نوید کا انٹرویو

"میرے حرف گلابوں سے” کے شاعر شاہ زیب نوید کا انٹرویو

تفکر – آپ کا پورا نام؟

شاہ زیب نوید۔۔محمد اورنگزیب

تفکر – قلمی نام؟

شاہ زیب نوید۔۔شاہ زیب نوید

تفکر – کہاں اور کب پیدا ہوئے؟

شاہ زیب نوید۔۔1976 حویلی لکھا

تفکر – تعلیمی قابلیت؟

شاہ زیب نوید۔۔گریجویٹ

تفکر – ابتدائی تعلیم کہاں سے حاصل کی؟

شاہ زیب نوید۔۔گورنمنٹ سٹی ہائی سکول حویلی لکھا

تفکر – اعلی تعلیم کہاں سے حاصل کی؟

شاہ زیب نوید۔۔پنجاب یونیورسٹی لاہور

تفکر – پیشہ؟

شاہ زیب نوید۔۔ذاتی کاروبار

تفکر –ادبی سفر کاآغاز کب ہوا؟

شاہ زیب نوید۔۔ 1996

تفکر – آپ نظم یا غزل میں کس سے متاثر ہوئے؟

شاہ زیب نوید۔۔میروغالب سےلے کر مظفر وارثی،محسن نقوی ریحانہ قمر اور پروین شاکر تک ہر شاعر کے کام نے متاثر کیا

تفکر -کسی شاعر کا تلمذ اختیار کیا؟

شاہ زیب نوید۔۔مظفر وارثی صاحب سے ایک خط میں 2 بنیادی باتیں سیکھی تھیں

تفکر – ادب کی کون سی صنف زیادہ پسند ہے؟

شاہ زیب نوید۔۔نظم

تفکر – ادب کی کس صنف میں زیادہ کام کیا؟

شاہ زیب نوید۔۔نظم و غزل

تفکر – اب تک کتنی تصانیف شائع ہو چکی ہیں؟

شاہ زیب نوید۔۔1: میرے حرف گلابوں سے ( انتخاب )
2: جل گئے ہاتھ گلابوں والے
3: ہوائے شب ( زیر طبع )

تفکر -نثری تصانیف اور ان کی تعداد؟

شاہ زیب نوید۔۔ایک بھی نہیں ابھی تک

تفکر – اپنے خاندان کے حوالے سے کچھ بتائیں؟

شاہ زیب نوید۔۔سید ہاشمی،ہندوستان سے ہجرت کر کے پاکستان آئے،دادا بہت بڑے عالم دین تھے والد صاحب محکمہ ریونیو بورڈ آف پنجاب میں خدمات سر انجام دیتے رہے

تفکر – ازدواجی حیثیت؟

شاہ زیب نوید۔۔شادی شدہ

تفکر – فیملی ممبرز کے بارے میں بتائیے؟

شاہ زیب نوید۔۔ایک بیٹی "حائقہ زیب” ایک بیٹا” امیر الدین ابراہیم "

تفکر – آج کل کہاں رہائش پذیر ہیں؟

شاہ زیب نوید۔۔حویلی لکھا

تفکر – بچپن کی کوئی خوبصورت یاد؟

شاہ زیب نوید۔۔ماں باپ کے ہمراہ گزرا سارا وقت سنہری تھا

تفکر – ادبی سفر کے دوران میں کوئی خوبصورت واقعہ؟

شاہ زیب نوید۔۔پہلی بار الحمرا ہال لاہور میں امجد اسلام امجد،خالد شریف اور نیلما سرور کےساتھ مشاعرے میں شرکت نے بہت لطف دیا تھا –

تفکر – ادب میں کن سے متاثر ہیں؟

شاہ زیب نوید۔۔امرتا پریتم،اشفاق احمد،مستنصر حسین تارڑ،سعادت حسن منٹو

تفکر – ادبی رسائل سے وابستگی؟

شاہ زیب نوید۔۔کچھ زیادہ نہیں

تفکر – ادبی گروپ بندیوں اور مخالفت کا سامنا ہوا؟

شاہ زیب نوید۔۔اپنے کام میں مگن رہنا اچھا لگتا ہے

تفکر – ادب کے حوالے سے حکومتی پالیسی سے مطمئن ہیں؟

شاہ زیب نوید۔۔با لکل بھی نہیں،اس طرف سرکار کی کوئی توجہ ہی نہیں

تفکر – اردو ادب سے وابستہ لوگوں کے لئیے کوئی پیغام؟

شاہ زیب نوید۔۔میں اپنے قبیلے سے یہی کہوں گا کہ اردو ادب کی بے لوث خدمت کرتے رہیں اور نوآموز سخنوروں کی حوصلہ افزائی و رہنمائی فرماتے رہیں

تفکر – ہماری اس کاوش پر کچھ کہنا چاہیں گے؟

شاہ زیب نوید۔۔بہت اچھی کاوش جتنی بھی تعریف کی جائے کم ہے۔مالک توفیقات میں اضافہ فرمائے

تفکر – شعر یا تحریر؟

شاہ زیب نوید۔۔

ہم نے ایسے اجاڑ دی جیسے
زندگی باپ کی کمائی ہو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عکسِ جاناں کی خیر ہو یاربّ
خواب ، آنکھوں سمیت ٹُوٹا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حاکمانِ وقت کی ذرہ نوازی کے طفیل
اس نگر کے کچھ کمینے بھی معزز ہو گئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آپ جس آسماں پہ رہتے ہیں
وہ میرے راستے میں پڑتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لوگ شامل تھے اور بھی لیکن
دل تری کوششوں سے ٹُوٹا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

راتیں شکستہ گھر کے مکینوں کومِل گئیں
سورج بڑے محل کے دریچوں میں بٹ گیا
روٹی امیرِ شہر کے کتوں نے چھین لی
فاقہ غریبِ شہر کے بچوں میں بٹ گیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اب کوئی شخص نہیں رہتا میری آنکھوں میں
چند سالوں سے یہاں صرف نمی رہتی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یہ کس نے نان کی قیمت میں آبرو بیچی
یہ کس نے تھوک دیا زندگی کے چہرے پر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کتنی پُرکیف ہیں تری آنکھیں
صوفیانہ کلام ہو جیسا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اُلجھے ہیں کسی ایسی مورت کے سراپے میں
نکلے ہی نہیں اب تک مٹی کے قصیدے سے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ٹُوٹے گی ایک دن یہ کڑے جبر کی فصیل
لائے گی رنگ اپنی فغاں ، دیکھتے رہو !!
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مالک ! ضرورتوں نے نچایا ہے اس قدر
رُک کے تمہارا نام بھی لینے نہیں دیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہزار داغ ِ تمنّا ہیں خود کشی کے لیے
ترا ہی ترکِ مراسم شمار کیا کرنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہو رہا ہے فصلِ گُل کا پیرہن میلا یہاں !!
پھُول کچرا چُن رہے ہیں کُوچہ و بازار میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اب تجھے ترک تعلق کا خیال آتا ہے
اب تو ہم اور محبت بھی نہیں کر سکتے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

زیب آنکھوں پہ گراں تھی یہ سخاوت پھر بھی
میں کسی شخص کو رویا تو مکمل رویا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پھر ہم سے زندگی کا رویہ بدل گیا
بس اک تمہارے راہ بدلنے کی دیر تھی
ـــــــــــــــــــــــــــــــــــــــــــ

زندہ رہنے سے کراہت ، تمہیں آئی ہے ۔۔۔۔۔۔۔۔۔۔ کبھی؟

تم نے کچرے سے یہاں بُھوک مٹائی ہے ۔۔۔۔۔۔۔۔ کبھی ؟
۔۔۔۔۔۔۔۔۔۔۔۔۔۔۔۔

زیب کم ظرف دشمنِ جاں کی
چوٹ بھی بے وقار ہوتی ہے
۔۔۔۔۔۔۔۔۔۔۔۔۔۔۔۔۔

ایسا بھی سلسلہ ہو خدایا کہ جسم سے
مر جائے جب ضمیر تو بدبو نکل پڑے
ـــــــــــــــــــــــــــــــــــــــــــــــــــــــــــــ
گہری گہری آنکھوں والی
اُلجھی اُلجھی پاگل لڑکی
تُو یہ کیسی دُھن میں آخر،لمبی لمبی پکوں اوپر
موٹے موٹے آنسو لے کر
سُندر کومل پیروں نیچے جلتی بلتی دھرتی دے کر
قریہ قریہ بھاگ رہی ہے
کِس کی خاطر جاگ رہی ہے۔۔۔۔۔۔۔۔۔۔۔۔۔۔۔؟

تجھ کو یہ معلوم نہیں کیا
تجھ جیسی نہ جانے کِتنی گہری گہری آنکھوں والی
کیسی کیسی سُندرتا کے ڈھیر خزانے لے کر نکلیں
لیکن پھر بھی اِس رستے سے منزل تک پہنچانے والا
ہر اک ساتھی جُھوٹا نکلا
اک اک ِِِِِِِِِِِآشا۔۔۔۔۔۔۔۔۔۔۔۔۔۔۔۔۔دُشمن نکلی
اک اک سپنا۔۔۔۔۔۔۔۔۔۔۔۔۔۔۔دھوکہ نکلا
سچاہر اک خدشہ نکلا

دیکھو تم بھی جانے دو اب
نادانی کا جتنا رستہ تم نے اب تک طے کر ڈالا
اُس رستے سے گھر کی منزل اب بھی اِتنی دُور نہیں ہے
اب بھی واپس جا سکتی ہو
سب کچھ واپس پا سکتی ہو

اب بھی گر تُم نادانی کے اس رستے سے گھر نہ پلٹی
تو پھر اک دن ایسا ہوگا

سُندر آنکھیں مَر جائیں گی
پلکیں خُوں سے بھر جائیں گی
کومل پاؤں پھٹ جائیں گے
جان لبوں پر آ جاۓ گی
تن کے سارے اُجلے پن کو گھور مُسافت کھا جاۓ گی۔۔۔۔۔۔۔۔۔۔۔۔۔۔۔۔۔۔۔۔۔۔۔

اُس دن پھر تُم چِلاؤ گی
لیکن کچھ نہ حاصل ھو گا
سارے لمس کے بھُوکے ساتھی۔۔۔۔۔۔۔۔۔۔۔۔۔۔۔۔۔پنکھ لگا کے اُڑ جائیں گے
تُم رستے میں رہ جاؤ گی
رستہ بھی وہ جس کے پیچھے ڈر کی گہری دلدل ہو گی
آگے غم کا جنگل ہوگا
سَر پہ گہرا بادل ہوگا

اُس دن کے آنے سے پہلے
اُس دن تک جانے سے پہلے
وقت مِلے تو ڈھلنے والے ہر لمحے کی ذات پہ سوچو
دُنیا کی باریک نظر سے دُنیا کی ہر بات پہ سوچو
جذبوں کی اوقات ہی کیا ہے۔۔۔۔۔۔۔۔۔۔۔۔۔۔۔۔۔۔۔۔۔۔۔۔جذبوں کی اوقات پہ سوچو

وہ دیکھو !
پھر اک ساۓ پہ ویرانے میں بجلی کڑکی
گہری گہری آنکھوں والی اُلجھی اُلجھی پاگل لڑکی

Leave your vote

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

شئیر کریں

جواب چھوڑیں

Hey there!

Forgot password?

Don't have an account? Register

Forgot your password?

Enter your account data and we will send you a link to reset your password.

Your password reset link appears to be invalid or expired.

Close
of

Processing files…