Euphuism & Euphemism اِسی طَرَح دو جُڑواں …

Euphuism & Euphemism

اِسی طَرَح دو جُڑواں اِصطِلاحات ہیں جِنہیں Euphuism اَور Euphemism کَہا جاتا ہَے ۔

یہ اَلفاظ جان لِلی کے ناٹَکوں :

Euphuse & the Anatomy of Wit

Euphuse & And his England

کے کِردار ( Euphuse ) سے لِئے گَئے ہیں ۔

اِس کی وَجہِ تَسمِئہ یہ ہَے کہ یہ کِردار بُہُت زیادہ صَنَمیاتی

حَوالوں ( mythical references ) اَور اِستِعاروں و
تَشبیہات سے مُزیَّن ؛ یعنی مُرَصّع و مُسَجَّع گُفتگُو کرتا تھا ۔سادہ ، ناخواندہ / گَنوار لوگوں کے لِئے اُس کی گُفتگُو سَمَجھنا کارِ دارَد ، اَدَک اَور اَزحَد دُشوار ہوتا تھا ۔ قَدیم یُونانی اَور لاطینی اَدَب کا شَناوَر ہی اَیسا کَلام سَمَجھ پاتا ۔

اِلِزبَتھ اَوَّل کے عہد کا اَدَب اِس قِسم کے کَلام سے بَھرا پَڑا ہَے ۔ اُس دَور میں با ذَوق حَضرات عام گُفتگُو اَور بول چال میں بادشاہوں اَور عالِموں کی سی زَبان کا مَذاق رَکھتے تھے ۔

اَب سے قَریب ڈیڑھ سَو بَرَس پیچھے اِنگلِستان کی اِشرافِئہ میں بھی ہَمارے دِلّی اَور لَکھنَؤُ کے دَربار اَور شُرَفاء کی طَرَح اَیسی ہی زَبان کا چَلَن عام تھا ۔ جَیسے یَہاں بات بات پَر عُرفی و نَظیری ، سَروَری و جامی کے عِلاوہ عَرَب شُعراء کے اَشعار اَور حَوالوں سے کَلام میں دِلکَشی پَیدا کی جاتی تھی ۔

اَیسے مُرَصّع و مُسَجَّع کَلام میں ایک طَرَح کا مَصنُوعی سا شَکُوہ پایا جاتا تھا ۔ اِسے Gonogorism اَور Bombasticism بھی کہتے ہیں ۔ ہَمارے ہاں Euphuism کی مِثال دیکھنا ہو تو دَلیپ کُمار ، مینا کُماری اَور سُہراب مودی کی فِلم ( یَہُودی ) دیکھ لی جائے ۔ اِس تَماشے ( فِلم )کے مُکالمے اِس طَرزِ کَلام کی عُمدہ مِثال ہیں ۔

عِلاوہ اَزیں ، اِس طَرزِ تَکَلُّم کی ایک ذیلی خاصِیَّت یہ پَے کہ اِس میں مُتَکَلِّم بآوازِ بَلَند / گَرجدار اَنداز میں بولتا ہَے۔ جَیسے ہَمارے ہاں مَولا جَٹ ہَے ۔ یا پِھر سُلطان راہی سے قَبل مَظہَر شاہ کا اَنداز تھا :

1 – مَولے نُوں مَولا ناں مارے تے مَولا نَئیں مَر سَکدا ۔

2 – اوئے میں پَیر تَھلّے پھیہہ کے رَکھ دیاں گا ۔

3 – اوئے مَیں ٹَبَّر کھا جاواں گا ۔

4 – اوئے مَیں دوہترے پوترے مار دیاں گا ۔

5 – اوئے مَیں سَبُوتا کھا جاواں تے ڈَکار نہ لَواں ۔

اَب جَیسے مَولا جَٹ کی ضِد نُوری نَت ہَے ، تو اُس کا اَندازِ کَلام بھی مَولا جَٹ کی ضِد ہَے ۔ اِس اَنداز کی خاص بات یہ ہَے کہ بُہُت بَڑی بات ، بُہُت دھیمے اَنداز میں کہ دی جاتی ہَے ۔ مُلاحِظہ کریں :

1 – نَواں آیا ایں سوہنیا ؟

2 – مینُوں اِٹ مار ،میرے ٹوٹے کر

اِس دھیمے اَنداز کو Euphemism کَہا جاتا ہَے ۔

مَضامینِ شِبلی
بشکریہ

Euphuism & Euphemism اِسی طَرَح دو جُڑواں اِصطِلاحات ہیں جِنہیں Euphuism اَور Euphemism کَہا جاتا ہَے ۔ …

Posted by Shahid Paras on Friday, December 15, 2017

جواب چھوڑیں