دُنیا بَھر کے سائنسدانوں نے کہہ دِیا کہ فَلاں تاری…

دُنیا بَھر کے سائنسدانوں نے کہہ دِیا کہ فَلاں تاریخ کو ساری دُنیا میں شَدید زَلزَلے آئیں گے ۔ اَور اُن زَلزَلوں سے بچنے کا ایک ہی راستہ ہَے کہ بحری جَہازوں پَر سَوار ہو کَر سَمَندَر میں وَقت گُذارا جائے ۔

سَب اقوام نے اَپنے اَپنے بحری جَہازوں پَر اَپنی آبادیوں کو سَوار کَرا دِیا ۔ پاکستان کے پاس بھی ایک بُہُت بَڑا بحری جہاز تھا ۔ لیکِن کُچھ لوگوں کو اُس پَر اعتَماد نَہیں تھا اَور وُہ اَمریکا ، چین ، رُوس ، فَرانس اَور سپین کے بحری جَہازوں پَر سَوار ہو گَئے ۔ اُن پَر تَرس کھا کَر تَرَقّی یافتہ اَقوام نے اُنہیں سَوار تو کَر لِیا ، تاہَم وُہ بحری جَہاز اُن کی اَپنی ٹیکنالوجی تھی ، اُن کے اَپنے لوگوں کی محنت کا نَتیجہ تھی ۔ سَو یہ کَیسے مُمکِن تھا کہ جَہاز پَر پَناہ گُزینوں کو وُہی مَقام و مَرتَبہ مِلتا جو جَہازوں کی مالِک اَقوام کے شہرِیوں کا جائز اِستِحقاق تھا ۔ ۔ ۔ ۔ ؟

اُنہوں نے اِن پناہ گُزینوں کو ذَلیل کاموں ؛ بَیتُ الخلاء کی صَفائی وَغیرہ پَر لَگا لِیا ۔ یہ خُوشی سے اُن کاموں پَر لَگ گَئے ۔

دیگَر حَضرات جو اُن جَہازوں پَر سَوار نہ ہو سَکے ، اُنہوں نے بھی پاکستان کے قَومی جَہاز پَر اَپنے آباء و اَجداد کی بَنی ہُوئی چھوٹی چھوٹی کَشتِئوں میں سَوار ہونا پَسَند کِیا ۔ آب چھوٹی کَشتِیاں کَب تَک سَمَندَر میں قائم رہ سَکتی ہَیں ، اَور اُن کے زِندہ رہنے ، اُن کی بَقاء کا کِتنا اِمکان ہَے ، یہ اَندازہ کَرنا مُشکِل نَہیں ۔

اَب اِسی تَمثیل کو دُوسرے اَنداز سے دیکھیں ۔ اِس دُنیا کے سَمَندَر میں ہَر قَوم اَپنی قَومی زَبان کو اَپنی شَناخت سَمَجھتی ہَے ۔ اَب کُچھ عاقَبَت نا اَندیش تو وُہ ہَیں جو تَرَقّی یافتہ اَقوام کی زَبانوں کو اَپنا کَر اَپنی شَناخت ہی گَنوا بَیٹھے ، آج بھیڑِیا ٹاؤُن ، ڈیفینس ، ماڈل ٹاؤن جَیسی پوش آبادیوں کے رہنے والے اَنگریزی زَبان کی اُلفَت میں اَپنی اَقدار سے محرُوم ہو چُکے ، آخرَت گَنوا چُکے ۔

دیگَر مَقامی بولِیاں بولنے والے قَومی زَبان سے تَعَصُّب کرتے ہُوئے اَپنی مادری بولِیؤں سے چِمٹے ہُوئے ہَیں ۔ حال یہ ہَے کہ ابھی بیوی سَمیت خُود کُشی کرنے والے مِیر ہَزار خان بَجارانی اَپنے گَھر میں اَنگریزی بولتے تھے ، ہَر وَڈیرہ ، جاگیردار ، سیاہ سَتدان تو اَپنے بَچّوں کو اَنگریزی سِکھا رَہا ہَے ، اَور مَقامی بولی بولنے والے ( نام نِہاد پَڑھے لِکھّے ) اَنگریزی سے مَرعُوب ہَیں ، اَور اَپنوں میں بَیٹھتے ہَیں تو اُردُو کے خِلاف اَور اَپنی ماں بولی کی مُحَبَّت میں خَیالات کا اِظہار کَرتے ہَیں ۔ نَتیجہ یہ کہ مَقامی بولِیؤں کا بَچنا تو مَخدوش ہَے ہی ، قَومی زَبان سے کَٹ کَر قَوم تَرَقّی سے دُور ہَے ۔

مَضامینِ مَولوی تَمیزُالّدین شِبلی
شاھِد پارَس
بشکریہ

دُنیا بَھر کے سائنسدانوں نے کہہ دِیا کہ فَلاں تاریخ کو ساری دُنیا میں شَدید زَلزَلے آئیں گے ۔ اَور اُن زَلزَلوں سے بچنے…

Posted by Shahid Paras on Thursday, March 15, 2018

Leave your vote

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

شئیر کریں

جواب چھوڑیں

Hey there!

Forgot password?

Don't have an account? Register

Forgot your password?

Enter your account data and we will send you a link to reset your password.

Your password reset link appears to be invalid or expired.

Close
of

Processing files…