”ھندوستانی دوستوں کے نام دوستی کا ھاتھ“ گزرگئے کئ…


”ھندوستانی دوستوں کے نام دوستی کا ھاتھ“

گزرگئے کئی موسم ، کئی رُتیں بدلیں
اُداس تم بھی ھو یارو ، اُداس ھم بھی ھیں
فقط تمہی کو نہیں ، رنجِ چاکِ دامانی
کہ سچ کہیں تو ، دریدہ لباس ھم بھی ھیں

تمہارے بام کی شمعیں بھی تابناک نہیں
مرے فلک کے ستارے بھی زرد زرد سے ھیں
تمہارے آئنہ خانے بھی زنگ آلُودہ
مرے صراحی و ساغر بھی ، گرد گرد سے ھیں

نہ تم کو اپنے خد و خال ھی نظر آئیں
نہ میں یہ دیکھ سکوں ، جام میں بَھرا کیا ھے
بصارتوں پہ وہ جالے پڑے ، کہ دونوں کو
سمجھ میں کچھ نہیں آتا ، کہ ماجرا کیا ھے.

نہ سرو میں وہ غرور کشیدہ قامتی ھے
نہ قُمریوں کی اُداسی میں کچھ کمی آئی
نہ کِھل سکے کسی جانب ، محبتوں کے گلاب
نہ شاخِ اَمن لیے، فاختہ کوئی آئی

تمہیں بھی ضد ھے ، کہ مشقِ ستم رھے جاری
ھمیں بھی ناز کہ جور و جفا کے عادی ھیں
تمہیں بھی زعم مہا بھارتا لڑی تم نے
ھمیں بھی فخر کہ ھم کربلا کے عادی ھیں

ستم تو یہ ھے کہ دونوں کے مرغزاروں سے
ھَوائے فتنہ و بُوئے فساد آتی ھے
اَلم تو یہ ھے کہ ، دونوں کو وھم ھے ، کہ بہار
عُدو کے خُوں میں نہانے کے بعد آتی ھے.

تو اب یہ حال ھُوا اِس درندگی کے سبب
تمہارے پاؤں سلامت رھے نہ ھاتھ میرے
نہ جیت جیت تمہاری ، نہ ھار ھار میری
نہ کوئی ساتھ تمہارے , نہ کوئی ساتھ میرے

ھمارے شہروں کی مجبور و بے نوا مخلُوق
دبی ھُوئی ھے دُکھوں کے ھزار ڈھیروں میں
اب اُن کی تیرہ نصیبی چراغ چاھتی ھے
جو لوگ ، نصف صدی تک رھے اندھیروں میں

چراغ جن سے محبت کی روشنی پھیلے
چراغ جن سے دِلوں کے دیار روشن ھوں
چراغ جن سے ضیا امن و آشتی کی ملے
چراغ جن سے دیے بے شمار روشن ھوں.

تمہارے دیس میں آیا ھُوں ، دوستو اب کے
نہ ساز و نغمہ کی محفل نہ شاعری کے لیے
اگر تمہاری انا ھی کا ھے سوال ، تو پھر
چلو میں ھاتھ بڑھاتا ھُوں ، دوستی کے لیے

”احمّد فراز“

بشکریہ
https://www.facebook.com/Inside.the.coffee.house

Leave your vote

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

شئیر کریں

جواب چھوڑیں

Hey there!

Forgot password?

Don't have an account? Register

Forgot your password?

Enter your account data and we will send you a link to reset your password.

Your password reset link appears to be invalid or expired.

Close
of

Processing files…