ضَبط کرنا نہ کبھی ضَبط میں وَحشَت کرنا اتنا …

ضَبط کرنا نہ کبھی ضَبط میں وَحشَت کرنا
اتنا آساں بھی نہیں تجھ سے مَحَبَّت کرنا

تجھ سے کہنے کی کوئی بات نہ کرنا تجھ سے
کُنجِ تنہائی میں بس خُود کو مَلامَت کرنا

اک بَگُولے کی طرح ڈھونڈتے پھرنا تجھ کو
رُوبرُو ہو تو نہ شکوہ نہ شکایَت کرنا

ہم گدایانِ وفا جانتے ہیں اے درِ حسن
عمر بھر کارِ نَدامَت پہ نَدامَت کرنا

اے اسیرِ قفسِ سحرِ انا دیکھ آ کر
کتنا مشکل ہے ترے شہر سے ہِجرَت کرنا

صورتِ ماہِ منیر اب کے سرِ بام آ کر
ہم فقیروں کو بھی کچھ رنج عنایت کرنا

جَمع کرنا تہِ مِژگاں تجھے قطرہ قطرہ
رات بھر پھر تجھے ٹکڑوں میں رِوایَت کرنا

کام ایسا کوئی مشکل تو نہیں ہے خاورؔ
مگر اِک دستِ حنا رنگ پہ بَیعَت کرنا

ایوب خاورؔ

از:-بزبانِ شاعِر

اِنتِخاب
سفیدپوش


8 تبصرے
  1. گمنام کہتے ہیں

    بہت عمدہ انتخاب ،وااااااہ

  2. گمنام کہتے ہیں

    wah.buht khoob

  3. گمنام کہتے ہیں

    *ایوب خاور*

    Ik khwab hai, is khwab ko khona b nahi hai,,
    Tabeer k dhaagy me pirona b nahi hai..

    Lipta hua hai dil se kisi raaz ki surat,,
    Ik shaks k jis ko mera hona b nahi hai..

    Rakhna hai sr e chashm isy saakt o jaamid,,
    Pani me abi chaand bhigona b nahi hai..

    Ye ishq o muhabt ki riwayet b ajab hai,,
    Paaya nahi jis ko, usy khona b nahi hai..

    *Jis shaks ki khatir tera ye haal hai Khawir,,*
    *Us ne tere mr jany pe rona b nahi hai..*

  4. گمنام کہتے ہیں

    Zabardast

  5. گمنام کہتے ہیں

    ضَبط کرنا نہ کبھی ضَبط میں وَحشَت کرنا
    اتنا آساں بھی نہیں تجھ سے مَحَبَّت کرنا

    تجھ سے کہنے کی کوئی بات نہ کرنا تجھ سے
    کُنجِ تنہائی میں بس خُود کو مَلامَت کرنا

    اک بَگُولے کی طرح ڈھونڈتے پھرنا تجھ کو
    رُوبرُو ہو تو نہ شکوہ نہ شکایَت کرنا

    ہم گدایانِ وفا جانتے ہیں اے درِ حسن
    عمر بھر کارِ نَدامَت پہ نَدامَت کرنا

  6. گمنام کہتے ہیں

    ایوب خاور صاحب کی کیا بات ہے
    لیجنڈ ❣️❣️

  7. گمنام کہتے ہیں

    Booht khoob

  8. گمنام کہتے ہیں

    Bohat alla

جواب چھوڑیں