آئیے سنتے ھیں۔
مائے نی مائے!
میرے گیتاں دے نیناں وِچ
برھوں دی رَڑک پوّے
ادھی ادھی راتیں اُٹھ
رونڑ موئے متراں نُوں
مائے سانوں نیند نہ پوے
بھیں بھیں ، سگندھیاں اِچ
بنھاں پھہے چاننی دے
تاں وی ساڈی پیڑ نہ سہوے
کوسے کوسے ساواں دی میں
کراں جے ٹکور مائے
سگوں سانُوں کھان نُوں پَوے
آپے نی میں بالڑی
میں حالے آپ متاں جوگی
مت کیہڑا ایس نوں دوے؟
آکھ سونی مائے ایہنوں
رووے بلھ چِتھ کے نی
جگ کتے سن نہ لوے
آکھ سونی کھا لئے ٹُک
ھجراں دا پکیا
لیکھاں دے نے پٹھڑے تَوّے
چَٹ لئے تریل لُونڑیں
غماں دے گلاب توں نی
کالجے نُوں حوصلا رھوے
کہڑیاں سپیریاں توں
منگاں کُنج میل دی میں
میل دی کوئی کُنج دوے
کہڑا ایہناں دَماں دیاں
لوبھیاں دے دراں اُتے
وانگ کھڑا جوگیاں رھوے
پیڑے نی پیڑے
ایہہ پیار ایسی تتلی ھے
جہڑی سَدا سُول تے بہوے
پیار ایسا بھور ھے نی
جہدے کولوں واشنا وی
لکھاں کوھاں دُور ھی رھوے
پیار اوہ محل ھے نی
جہدے وچ پکھیرواں دے
باھج کج ھور نہ رھوے
پیار ایسا آلھنڑاں ھے
جہدے وِچ وَصلاں دا
رتڑا نہ پلنگ ڈھوے
آکھ مائے ، ادھی ادھی راتیں
موئے متراں دے
اُچی اُچی ناں نہ لوے
متے ساڈے مویاں پچھوں
جگ ایہہ شریکڑا نی
گیتاں نُوں وی چَندرا کہوے
مائے نی مائے
میرے گیتاں دے نیناں وِچ
برھوں دی رڑک پَوے
اَدھی اَدھی راتیں اٹھ
رونڑ موئے متراں نُوں
مائے سانوں نیند نہ پوے
"شِو کمار بٹالوی”
بشکریہ
https://www.facebook.com/Inside.the.coffee.house