حضرت علامہ محمد اقبال رحمۃ اللہ علیہ کے مجموعۂ کلا…

حضرت علامہ محمد اقبال رحمۃ اللہ علیہ
کے مجموعۂ کلام ‘بال جبریل’ کی غزل

لا پھر اک بار وہی بادہ و جام اے ساقی!
ہاتھ آ جائے مجھے میرا مقام اے ساقی!

تین سو سال سے ہیں ہند کے میخانے بند
اب مناسب ہے ترا فیض ہو عام اے ساقی

میری مینائے غزل میں تھی ذرا سی باقی
شیخ کہتا ہے کہ ہے یہ بھی حرام اے ساقی

شیر مردوں سے ہوا بیشۂ تحقیق تہی!
رہ گئے صوفی و ملا کے غلام اے ساقی

عشق کی تیغِ جگر دار اڑا لی کس نے؟
علم کے ہاتھ میں خالی ہے نیام اے ساقی

سینہ روشن ہوتو ہے سوزِ سخن عینِ حیات
ہو نہ روشن، تو سخن مرگِ دوام اے ساقی

تو مری رات کو مہتاب سے محروم نہ رکھ
ترے پیمانے میں ہے ماہِ تمام اے ساقی


8 تبصرے
  1. گمنام کہتے ہیں

    بہت خوب ھے

  2. گمنام کہتے ہیں

    شاندار کلام

  3. گمنام کہتے ہیں

    Wah

  4. گمنام کہتے ہیں

    Zabardast

  5. گمنام کہتے ہیں

    لاجواااااااب ااااااانتخاب

  6. گمنام کہتے ہیں

    Waaaah Nice

  7. گمنام کہتے ہیں

    کمااااااال اااااست

  8. گمنام کہتے ہیں

    شاندااااااار

جواب چھوڑیں