یکجا نعتیہ کاوش صلی اللہ علیہ وآلہ وسلم جب چراغ…

یکجا نعتیہ کاوش

صلی اللہ علیہ وآلہ وسلم

جب چراغِ ہدایت فروزاں ہوا
علم و عرفاں کا روشن دبستاں ہوا

عشقِ آقا سے دل جس کا تاباں ہوا
رشکِ تکمیل اس کا ہی ایماں ہوا

اس کی قسمت کا تارا ہوا ضوفشاں
آپ کی دید کا جو بھی خواہاں ہوا

بزمِ اوّل کا روشن ہوا چاند جب
ذرہ ذرہ جہاں کا درخشاں ہوا

آمدِ مصطفےٰ سے چٙھٹی تیرگی
" بزمِ آخر کا شمعِ فروزاں ہوا "

مل گئی شاہِ طیبہ کی نسبت جسے
خوش مقدر وہی خاص انساں ہوا

زندگی میں اسی کو ملا اوج بھی
جو شہِ لا مکاں کا ثنا خواں ہوا

اس نے پائی ہے ہر نعمتِ دو جہاں
جو بھی آقا ترے در پہ مہماں ہوا

جب بھی مانگا وسیلے سے آقا ترے
مشکلیں حل ہوئیں ، کام آساں ہوا

سمیعہ ناز
لیڈز ، برطانیہ یوکے


جواب چھوڑیں